دژەتیرۆر ژمارەیەک تیرۆرست لە سنوری چیای حەمرین دەستگیردەکات
پاڵپشت بە زانیاری وردی هەواڵگری، هێزەکانی بەڕێوبەرایەتیی گشتیی دژەتیرۆر بە هاوبەشی لەگەڵ هێزەکانی هاوپەیمانی نێودەوڵەتیی بۆ ڕووبەڕووبونەوەی داعش ئۆپەراسیۆنێکیان لە نزیک چیای حەمرین ئەنجامدا.
لە ئۆپەراسیۆنەکەدا کە بەشێوەیەکی خێرا و ورد و بێ زیان ئەنجامدرا، توانرا ژمارەیەک تۆمەتبار دەستگیربکرێن کە پێشینەی کاری تیرۆریان هەبووە و یەکێک لە گیراوەکان بەرپرسی کاری لۆجستی ڕێکخراوتی تیرۆرستیی دەوڵەتی ئیسلامی (داعش) بووە لە سنورێکی دیاریکراو.
بۆ ڕووبەڕووبونەوە و بەرەنگاربوونەوەی تیرۆر، هێزەکانی دژەتیرۆر سنور نازانن و لە هەرجێیەک مەترسی پاشماوەکانی تیرۆرستان هەبێت، دژەتیرۆر و هاوبەشەکانی لەوێ ئامادەن و دەستێکی پۆڵایینین بەرەو ڕوویان و قەڵغانێکن بۆ پاراستنی ئاسایشی تەواوی عێراق و هەرێمی کوردستان.
|