ترەمپ فەرمانیکرد هێرشەکان بۆسەر ئێران دەستپێبکات
دۆناڵد ترەمپ فەرمانی بە فەرماندەیی ناوەندیی ئەمریکا (سینتکۆم) کردووە شەپۆلێکی نوێی هێرشەکان بۆ سەر ئیران دەستپێبکەن.
میدیاکانی ئەمریکا بڵاویانکردەوەم ئەم هێرشانە وەک تۆڵەیەک بۆ کوژرانی چەند سەربازێکی ئەمریکی لە ناوچەکە و بۆ رێزلێنان لە "نیشتمانپەروەرە گەورەکان" ئەنجامدراون، لە هێرشەکاندا سەنتەرەکانی فەرماندەیی سەربازی، بەرگری ئاسمانی و شوێنەکانی هەڵدانی مووشەک و درۆنی ئیران کراونەتە ئامانج.
ترەمپ رایگەیاندووە، کە پلانی جەنگێکی فراوانتر لە ئارادایە و هیچ بایەخێک بەوە نادات کە ئیران چیتر پابەندی یاداشتنامەی لێکگەییشتن نییە.
هاوکات بەهۆی کاریگەری هەڕەشەکانی ترەمپ، نرخی سووتەمەنی لە ناوخۆی ئەمریکا بەرزبووەتەوە و گەیشتووەتە ٤ دۆلار بۆ هەر گاڵۆنێک.
لە پێشهاتێکی نوێدا، سوپای کوەیت و ئوردن ئامادەیی خۆیان بۆ وەڵامدانەوە و تێکشکاندنی هێرشە مووشەکی و درۆنییەکانی ئیران نیشانداوە.
ئیران بانگەشەی ئەوە دەکات کە ئەمریکا ھێرشی کردووەتە سەر وێستگەیەکی وزەی ئەتۆمی کە لە قۆناغی دروستکردندایە.
سەربازانی ئەمریکی لە ناوچەکە نیگەرانی خۆیان دەربڕیوە لەوەی بنکەکانیان پارێزراو نین و بەرگەی هێرشەکان ناگرن.
|