کەشتیە زەبەلاکەی ئەمریکا کە دەیان فڕۆکەی جەنگی لەسەرە رۆژھەڵاتی ناوەڕاست بەجێدەھێڵێت و کۆتایی بە جێگیرکردنی نۆ مانگەی لە ناوچەکەدا دەھێنێت.
کەشتی فڕۆکەھەڵگری USS George Washington کە بنکەکەی لە ژاپۆنە، لە چوارچێوەی خولانەوەی هێزی دەریایی ئەمریکادا جێگەی کەشتی فڕۆکە هەڵگری USS Abraham Lincolnی لە ناوچەکەدا گرتەوە.
گەڕانەوەی کەشتی فڕۆکە هەڵگری USS Abraham Lincoln لە کاتێکدایە کە نیگەرانییەکی جددی لەبارەی تێکچوونی تەندروستی دەروونی و خراپی بارودۆخی تەندروستی و کەمیی خۆراک لەناو کەشتییەکەدا هەیە وەک ئەندامانی خێزانی تیمی کەشتیوانی کەشتییەکە لە راپۆرتە میدیاییەکاندا باسیان کردووە.
سەرەڕای هەوڵەکانی پیت هێگسێس وەزیری بەرگری و دۆناڵد ترەمپ سەرۆکی ئەمریکا بۆ کەمکردنەوەی ئەم نیگەرانییانە و وەسفی هۆنگ کاو وەزیری دەریایی بە وەکالەت بۆ ڕووماڵکردنی میدیاکان بە "ناپاک"، ئەدمیراڵ براد کوپەر، فەرماندەی فەرماندەیی ناوەندی ئەمریکا سەردانی کەشتییەکەی کرد بۆ هەڵسەنگاندنی دۆخەکە و دانی بەوەدانا کە بڵاوبوونەوە لە دەریادا ئاڵنگارییەکی ناوازەیە و تەندروستی دەروونی هاوشێوەی تەندروستی جەستەیی پێویستی بە گرنگیدانە.
هێزی دەریایی ئەمریکا رەتیکردەوە هیچ زیادبوونێکی هەوڵی خۆکوژی یان بیری خۆکوژی لەناو کەشتیوانەکانی سەر کەشتییەکەدا ھەبێت و دووپاتیکردەوە کە لێکۆڵینەوە لە رووداوەکەی ٣ی ئاب دەکات کە تێیدا دەریاوانێک کەوتە ناو دەریاوە و ڕزگارکرا.