سەیرە هێشتا بارزانی دەڵێ: ناچەمین !
خۆزگە برایەکی پارتی بەویژدان، پێی بە جەرگی خۆیدا دەناو ئازایانە بە بارزانی دەوت :
چەمینەوە هەر ئەوەیە، پاش ریفراندۆم لە نێوان پارتی و یەکێتیدا شەڕی سەرۆککۆمار کرا .
چەمینەوە هەر ئەوەیە ئێستا وەزیری خارجی عێراق فوئاد حوسێنە .
چەمینەوە هەر ئەوەیە گەر بەغا پارە رەوانە نەکات موچەتان پێ نادرێ .
چەمینەوە هەر ئەوەی دایکێکی کەسوکار ئەنفالکراو متمانەی بە ئێوە نەماوەو کوردستان ئەمانەتی کازمی دەکات .
چەمینەوە هەر ئەوەیە لە ناوچە دابراوەکاندا هیچ دەسەڵاتێکتان نەماوەو دانیشتوانەکەی بە بێزاریەوە یادتان دەکەنەوە .
چەمینەوە هەر ئەوەیە لە هەرکات زیاتر تورکیاو ئێران لە هەرێمی کوردستاندا بە هێزەوە وجودیان هەیە .
چەمینەوە هەر ئەوەیە ئێستا لە هەر کات زیاتر بۆشاییەکی گەورە لە نێوان میللەت و دەسەڵاتدا هەیە .
راستیەکەی ئێوە نەک هەر چەمین، بەڵکو لە گەڵ خۆتاندا پشتی میللەتیشتان شکاند .
هەموو دونیا ئەو چەمینە دەبینن؛ ئەوە تەنها دارودەستەو راوێژکارە ماستوچیەکانە، پێیان وایە پاشا روت نیە !